الجيش المصري يعترف بضرب الدهابة

شاهيناز القرشي
الجيش المصري يعترف بضرب للدهابة ويطلق عليهم تسمية عناصير اجرامية
تمااام تمام هم مجرمين انت مال اهلك؟؟ في بلدهم وفي مالهم ومال ابو اهلهم، ولو دي حدودك ليه (مجلس سيادة الامر الواقع، الواقع فينا ووقعنا فيكم، الواقع في البئر ووقع فيه الفيل، والواقع من السماء الضرب الدهابة) طلع بيان قال انت قصفت معدنيين داخل الاراضي السودانية؟؟ بتبلا عليك وعايز يلبسك تهمة مثلًا؟ لا لا ما بتبلا عليك لكن هو اتبلا واتزنق جوه ،ومضطر يطاطي للريح عشان الغضبة ماتبقى ضده، وبكرة بعد.بكرة يفك الاعيسرات والانصرفيات يقولوا ليك كنا زعلانين والله لكن جونا ناس الفريق خدران قالوا لينا ورجغ ورجغ ورجغ والمراحيم جت كانوا غلطانين، والقحاتة شمتانين عشان كدا اسكتوا، اصلًا لو سالنا سؤال مهم ماهي فائدة مصر من تبني حرب السودان ودعمها؟ امن قومي والطلس دا انا وانت عارفنوا كذب، لانو لو مصر مشت للجنجويد قالت ليهم ماتجوا بي جاي وانا مابتدخل الجنجويد لو سكرانين مابمشوا، السبب الوحيد للحرب اضعاف السودان وتفكيكه لصالح مصر، زي ما إسرائيل ناوية تفككهم، على الاقل يلقوا لصقة جروح للشعب المصري لمن يتخلوا عن سيناء لليهود، وتخلوا قبلها عن اراضي كتيرة وباعوها عديييل وقبضوا تمنها، قل أن تجد محافظة مصرية ممكن تجيب قروش ما اتباعت مساحات مقدرة منها لدول اخرى، يظل السؤال قااااائم ، هدف مصر شنو من تاجيج الحرب؟
الكيزان قايلين حايلعبوا على مصر اللعبة الاولى لمن اقنعوا حسني مبارك انو الانقلاب عسكري بحت ،وصدروا ليهم شخصيات موالية لمصر ،وحسني مبارك اقنع الكثير من الدول تتقبل الانقلاب، وبعد خمسة سنة حاولوا يغتالو، ومصر احتلت حلايب وشلاتين وابو رمادة(عندي مقال عن ماحدث في اغتيال حسني مبارك حا افتشه انشره مره تانيه عشان تفهم انو محاولة اغتيال حسني مبارك نفسها كانت بعلم المخابرات المصرية لتبرير الاحتلال ) الان المصريين على وشك تفكيك السودان لاحتلال المزيد من ارض السودان التي تغيظهم جدًا .